Chiaramonti

Robert Mirabal-Indiani d'america-Sunrise Feeling

Notte de Luna

Est una notte de luna,antiga e semper noa. Sa prima luna de capidanni giara s'accerada in chelu,et sas istellas li faghecumpanzia mirendela.                                                                                                                        Ti mirada unu mare pasidu,sas undas lizzeras,parent ti cantene unu dillu,comente gosu in die de festa.               Cantan sos grillos,allegros, et d'onzi creadura in custa notte. S'aera netta,chenza nues,mustra sa tua bellesa,unu entu lezzeru,paret ti cerfa ninnare!                                                                                     Cantana puzzones de notte,bolende de matta in matta,bessit su lodde,in giru tra binzas et ortos,a chircare sustentu.                                                                                                                                                             Tue,ses che sole lughente,a cust'ora frisca,in mesu de s'aera,nos faghes cumpanzia!                                         A tie,cumpanza de custa notte lasso sos disizzos, chi dae su coro si pesana profundos. A tie un'ispera de sentidu antigu! a tie unu piaghere dimando: jughe,cun sa lughe tua, custas duas rigas a chie in custu momentu cherzo pius bene!!!!

Anghelu..

Anghelu sonas sas pius dulches et suaves melodias,intonadas dae su cantu de su mare,in custa notte de calura luina!                                                                                                                                                                 Notte isteddada,non si movet mancu una frina,cantna sos grillos,in chisca de friscura,comente sa chigula su die. Anghelu cantas,cantigos de luna et de istellas,pro sos fizzos de Deus,pottan bizzare e chilcare amparu e recreu. Anghelu cominzas sa danza,che dillu armoniosu,pro ninnare su dulche tesoro,de s'anima impasida de s'homine nou.                                                                                                                                                                  Anghelu nadas,in su mare de sos pensamentos,de custos fizzos,istraccos dae sos affannos e dae sas proas.          Duas manos giunghes cumpare,de amigos isplendidos,chi si chilca a de notte et a de die,po camminare cumpare! Anghelu,giunghelos in abbrazzos de paghe et de istima profunda in sa dottrina  de Lughe. animos sunt lughentes chi agattadu hant s'abba,chi cazzas su sidis de sa vida!                                                                                       Anghelu,sias tue amparu et amistade de custas duas vidas lontanas a su toccu,ma chi sunt una in su coro de s'attera,che istellas frimmas in chelu!!